हेटौंडामा कारले पक्कीघरमा ठक्कर दिँदा तीन जना गम्भिर घाइते
हेटौंडा । हेटौंडामा कारले पक्कीघरमा ठक्कर दिँदा घरमा बसीरहेका तीन जना घाइते भएका छन् । हेटौडा उपमहानगरपालिका वडा नम्बर– १६ सिपालीचोकमा फापरवारीबाट हेटौडा तर्फ आउदै गरेको बा ९च १३३८ नंबरको कारले तिब्र गतिका कारण स्थानीय प्रकाश गौतमको एक तले पक्की घरको सटरमा ठक्कर दिदा सोही स्थानमा बसिरहेका तीन जना घाइते भएका हुन् ।
कारको ठक्करबाट हेटौडा–१६ सिपालीचोक बस्ने ३२ वर्षिय मालती गौतम, ३२ वर्षकी राधिका आचार्य र ८ वर्षिय श्रयान आचार्य घाइते भएको जिल्ला प्रहरी कार्यालय मकवानपुरका प्रहरी नायब उपरिक्षक श्यामु अर्यालले बताए । घाइतेहरु तीनै जनाको काठमाण्डौंका बिभीन्न अस्पतालमा उपचार भइरहेको प्रहरीले जनाएको छ ।
