मकवानपुरमा स्कुल बसको ठक्करबाट बालिकाको मृत्यु
हेटौंडा । मकवानपुरमा स्कुल बसको ठक्करबाट बालिकाको मृत्यु भएको छ । मकवानपुरको मनहरी गाउँपालिका वडा नम्बर–६ नँयाबस्ति स्थित भित्री सडकखण्डमा मनहरी बजारबाट नँयाबस्ती तर्फ जादै गरेको मनहरी बिलिभर्स इङलिस बोर्डिङ स्कुलको ना १ क ९२५० नंबरको बसको ठक्करबाट स्थानीय एक बालिकाको मृत्यु भएको हो ।
बसको ठक्करबाट मनहरी गाउँपालिका वडा नम्बर–६ नँयाबस्ती बस्ने खडक बहादुर थिङको छोरी २ वर्षिय पुजा थिङलाई ठक्कर दिएको थियो । उनलाई उपचारका लागि हेटौंडा अस्पताल ल्याएपछी डाक्टरले मृत घोषणा गरेको जिल्ला प्रहरी कार्यालय मकवानपुरका प्रहरी नायब उपरिक्षक श्यामु अर्यालले बताए । बस चालकलाई भने प्रहरीले नियन्त्रणमा लिएको छ ।
