हेटौंडामा युवकको चक्कु प्रहारबाट चार जना घाइते
हेटौंडा। हेटौंडामा युवकको चक्कु प्रहारबाट चार जना घाइते भएका छन् । हेटौंडा उपमहानगरपालिका वडा नम्बर–११ नवलपुर, शान्तिटोलमा स्थानीय ३० वर्षीय अमित कोईरालाले मादक पदार्थ सेवन गरी आफ्नै आमा तथा छिमकी समेतलाई कुटपिट तथा चक्कु प्रहार गर्दा ४ जना घाइते भएका हुन्।
मादक पदार्थ सेवनगरी मातिएर आएका युवकले आफ्नै आमालाई चक्कु प्रहार गरे । उनको चक्कु प्रहारबाट निजको आमा ५० वर्षीया शान्ता कोईराला, निजको छिमेकी १६ वर्षीया सबिना पौडेल, अर्का छिमेकी ५२ वर्षीय कृष्ण पौडेल र ४८ वर्षीय हरी बिडारी घाइते भएको जिल्ला प्रहरी कार्यलय मकवानपुरले जनाएको छ ।
