हेटौंडाको रातोमाटेबाट १११ किलो गाँजा सहित १ जना पक्राउ
हेटौंडा । हेटौंडाको रातोमाटेबाट १११ किलो अबैध लागूऔषध गाँजा सहित १ जना पक्राउ गरिएको छ । हेटौंडा–१५ राटोमाटे चेकपोईन्ट स्थित पुर्व पश्चिम लोकमार्ग सडकखण्डमा सवारी साधनहरु रोकी चेकजांच गर्ने क्रममा १११ किलो अबैध लागूऔषध गाँजा सहित १ जना पक्राउ गरिएको हो ।
हेटौडातर्फबाट निजगढतर्फ जादै गरेको बा ७ च २५१० नंबरको पिकअप गाडी र सो गाडीका चालक मकवानपुरको कैलाश गाउँपालिका वडा नंबर– २ डाँडाखर्क बस्ने ३४ वर्षिय रावल स्याङ्वोलाई पक्राउ गरिएको जिल्ला प्रहरी कार्यालय मकवानपुरका प्रहरी नायब उपरिक्षक स्यामु अर्यालले बताए ।
गाडीको पछाडीको ढाला भित्र खाली क्रेटहरुले छोपी लुकाई छिपाई गरी ल्याईएको अवस्थामा अबैध लागु औषध गाँजा १११ किलोग्राम फेला परेको हुंदा उक्त गाँजा र पिकअप गाडीलाई बरामद गरी निज स्याङ्वोलाई नियन्त्रणमा लिई थप अनुसन्धान कार्य भईरहेको प्रहरीले जनाएको छ।
